वणी येथील पत्रकाराने वाचविला युवकाचा जीव..!

वणी (प्रतिनिधी ) : पावसाळ्याचा कहर मोठ्या प्रमाणात सुरू असतांना, मोठ्या प्रमाणात अपघाताच्या घटना घडत असतात.  असाच काहीसा प्रकार, शहरातील गणेशपुर येथील असलेल्या पुलावर घडला ,राहुल गेडाम वय (35) , रा.देशमुख वाडी ,हा पावसाने साचलेल्या खड्यामुळे, खड्डा चुकवण्याच्या नादात अपघात ग्रस्त, अवस्थेत पडलेला होता. त्यामुळे संपुर्ण गणेशपुर येथील निर्गुडा नदीवरील पुलाजवळ मोठ्या प्रमाणात बघ्यांची गर्दी वाढलेली असतांना, ऐका वृत्तपत्राचे तालुका प्रतिनिधी निलेश चौधरी (न्यूज मिडिया पञकार असोसिएशन चे सह सचिव) हे तेथून जात असतांना, काही सामाजिक कार्यकर्तांना लक्षात आले. यावेळी पत्रकार निलेश चौधरी यांनी कुठल्याही प्रकारचा वेळ न दवडता जखमी अवस्थेत पडलेल्या राहुल नामक युवकाला ,स्वतःच्या गाडीत टाकून शासकीय रुग्णालय येथे दाखल केले. रुग्णालयात दाखल केल्या नंतर उपचाराअंती त्या युवकाला बि.पी.कमी झाल्याने चक्कर आल्याचे निष्पन्न झाले. त्या नंतर युवकाचा घरच्यांना पाचारण करुन ,माहिती देण्यात आली. यावेळी निलेश चौधरी यांनी घेतलेल्या समय सुचकतेने युवकाचा जिव वाचला असे जनतेमधुन बोलल्या जात आहे.