चंद्रपूर सुपर थर्मल पावर स्टेशन ला लागली भीषण आग 

चंद्रपूर सुपर थर्मल पावर स्टेशन ला लागली भीषण आग, आगीत लाखो रुपये किमती च्या साहित्य झाले खाक 

चंद्रपूर: आशिया खंडातील सर्वत मोठे चंद्रपूर सुपर थर्मल पावर स्टेशन मध्ये  रविवार दिनांक 2 मे रोजी रात्रौ अकरा वाजता भिषण आग लागली असून सुट्टीचा दिवस असल्यामुळे कामगारांची संख्या कमी असल्याचे बोलले जात आहे.जिवीतहानी झाली नसून  लाखों रुपये किंमती चे साहित्य जळून खाक झाले असून आगीची भीषणता बघता मोठ्या प्रमाणात वित्तहानी झाली असल्याचे  सांगण्यात येत आहे. या संबंधात मुख्य अभियंता पंकज सपाटे यांचेशी भ्रमणध्वनीवरून संपर्क साधला असता त्यांनी चंद्रपूर सुपर थर्मल पाॅवर स्टेशनमधील बॉयलर संच क्र. 8 व 9 मधील मेन्टेनन्स मधील केबल बंद झाल्यामुळे वीजपुरवठा बंद झालामुळे  शॉर्ट सर्किट झाले व त्यामुळेच आग लागली असून रविवारी रात्री मोठ्या प्रमाणात हवा असल्यामुळे याआगीची  भीषणता वाढली अशी माहिती त्यांनी दिली.  अग्निशमन विभागाच्या वाहने वेळे वरती आल्यामुळे   आगीवर नियंत्रण आणण्यात  लवकर यश आली असल्याची माहिती देण्यात आली आहे. रविवारी रात्री  11 च्या  सुमारास ही आग लागली असल्याची माहिती मिळाली असून मागील पाच वर्षाआधी अशीच भयंकर आग चंद्रपूर थर्मल पावर स्टेशनं ला लागली होती व त्यावेळी सुद्धा लाखो रुपयाचे साहित्य आगीत खाक झाले होत .