सार्व.दुर्गादेवी उत्सव मंडळाच्या शिबीरात ४० लोकांनी केले रक्तदान

श्री गुरुदेव सार्व.दुर्गा उत्सव मंडळ मोहर्लीचा स्तुत्य उपक्रम

वणी: तालुक्यातील मोहर्ली येथे श्री गुरुदेव सार्वजनिक दुर्गा उत्सव मंडळ व गावकरी यांच्या संयुक्त विद्यमाने दि.१३ ऑक्टोंबर बुधबार ला घेण्यात आलेल्या रक्तदान शिबीरात तब्बल ४० रक्तदात्यांनी रक्तदान केले. कोविड-१९ मुळे उद्भवलेल्या परिस्थितिचा विचार करता जिल्हाधिकारी यवतमाळ यांनी जिल्ह्यातील सर्व सार्वजनिक दुर्गा उत्सव मंडळांना नवरात्र उत्सव- २०२१ साध्या पद्धतीने साजरा करण्या करिता गरबा,दांडीया व ईतर सार्वजनिक कार्यक्रम आयोजित करण्याऐवजी आरोग्य विषयक उपक्रम/शिबीर उदा.रक्तदान शिबीर आयोजीत करण्यास प्राधान्य देण्याचे निर्देश जारी केले होते. या निर्देशानुसार तालुक्यातील मोहर्ली येथे श्री गुरुदेव सार्वजनिक दुर्गा उत्सव मंडळ व गावकरी यांच्या संयुक्त विद्यमाने बुधबार ला रक्तदान शिबीराचे आयोजन करण्यात आले होते. या शिबीरात तब्बल ४० रक्तदात्यांनी रक्तदान केले आहे.