मारेगाव तालुक्यात २९ पॉझिटीव्ह तर एकाचा मृत्यू..

सलग तिसऱ्या दिवशी एकही बाधित नसल्याची नोंद

प्रफुल ठाकरे (मारेगाव):   दि : २५-०५-२०२१ ला प्राप्त झालेल्या अहवालानुसार सलग तिसऱ्या दिवशी एकहि बाधित नसल्याची नोंद झाली आहे. शहराला तुर्तास दिलासा मिळाला असला तरी तालुक्यात कोरोना संसर्गाने  डोके वर काढीत आज मंगळवारला  एकूण २९ जन बाधीत केले.

तालुक्यातील प्रामुख्याने  ग्रामिण भागात कोरोनाचा आलेख चढत्या क्रमात आहे. कोरोना संसर्गाने  लपंडाव कायम ठेवीत आज ग्रामिण भागातील डोलडोंगरगाव , डोर्ली, कान्हाळगाव येथील २९ जन पॉझिटीव्ह निघालेत. मारेगाव शहराला तुर्तास दिलासा देत सलग तिसऱ्या दिवसाला बाधितांचा आकडा शून्यावर आहे. परिणामी आज प्रशासकीय अहवालात कोरोना संसर्गाने मारेगाव येथील एकाचा मृत्यू झाल्याची नोंद झाली.