“राष्ट्रीय लोकन्यायालयात” १७ लाख ५९ हजाराचा ग्रा.पं.चा कर वसुल तर अनेक प्रकरणाचा निपटारा 

“राष्ट्रीय लोकन्यायालयात” १७ लाख ५९ हजाराचा ग्रा.पं.चा कर वसुल तर अनेक प्रकरणाचा निपटारा 

वणी: जिल्हा विधी सेवा प्राधिकरण यवतमाळचे अध्यक्ष व्ही.पी. पाटकर यांच्या मार्गदर्शनाअंतर्गत रविवार दिनांक १ ऑगस्ट ला दिवाणी व फौजदारी न्यायालय वणी येथे “राष्ट्रीय लोकन्यायालया” चे आयोजन करण्यात आले होते. या राष्ट्रिय लोकन्यायालयाचे उद्घाटन के.के.चाफले अध्यक्ष, तालुका विधी सेवा समिती वणी यांचे हस्ते करण्यात आले. यावेळी एस.एम. बोमीडवार, सह-दिवाणी न्यायाधिश वणी, पी.सी.बछले सह दिवाणी न्यायाधिश वणी तसेच वणी बार असोशिएशनचे अध्यक्ष ऐड.व्ही.कावडे व गटविकास अधिकारी राजेश गायनार उपस्थित होते.

लोकन्यायालयामध्ये एकुण दोन पॅनलची व्यवस्था करण्यात आली होती. एस.एम.बोमीडवार, सह-दिवाणी न्यायाधीश, वणी हे विशेष मोहिमे अंतर्गत निकाली काढण्याकरीता ठेवण्यात आलेल्या प्रकरणाचे पॅनल प्रमुख होते. लोकन्यायालयामध्ये वादपुर्व प्रकरणे तसेच या न्यायालयातील प्रलंबीत असलेले दिवाणी व फौजदारी प्रकरणे ठेवण्यात आली होती. त्यापैकी ३९८ वादपुर्व प्रकरणे, ५ दिवाणी प्रकरणे व १२४ फौजदारीची प्रकरणे तडजोडीने निपटारा करण्यात आला. विशेष मोहिमे अंतर्गत २ प्रकरणे निकाली काढण्यात आली असून सर्व प्रकरणे मिळुन एकुण दंड  ५१ लाख २० हजार २५९ रुपये वसुल करण्यात आला.

या लोकन्यायालयात एकुन ५९ ग्राम पंचायतने सहभाग घेतला होता यामध्ये १७ लाख ५९ हजाराचा टॅक्स वसुल करण्यात आला आहे. लोकन्यायालयाच्या यशस्वीतेकरीता न्यायालयाचे सहायक अधिक्षक पी.बी.जाधव, तालुका विधी सेवा समिती वणी चे कर्मचारी एम.व्ही.जुमनाके, वरिष्ठ लिपीक, एस.एस.निमकर, कनिष्ठ लिपीक व एम.व्ही. हागरे, शिपाई तसेच न्यायालयीन कर्मचारी, वकील मंडळी यांचे सहकार्य लाभले.