महाराष्ट्रत सर्वप्रथम हिंगणघाट बाजार समितीचा शेतकरी हिताचा आणखी एक क्रांतिकारी निर्णय

वाहन खाली करण्याची मजुरी जिनिगधारकांची जबाबदारी सभापती एड सुधीर कोठारी यांचे स्पष्ट निर्देश

हिंगणघाट: हिंगणघाट बाजार समितीच्या आवारात सीसीआय व कापूस खरेदी महासंघाच्या वतीने खरेदी केलेला कापुस वाहनातून खाली करण्याचे शुल्काचा भुर्दंड यापुढे शेतकऱ्यांना पडणार नसून अदा करण्याची जबाबदारी ही शेतकऱ्यांची नसून ती भरण्याची जबाबदारी ही पूर्णतः जिनिंग धारकांची आहे त्यामुळे शेतकऱ्यांनी ही रक्कम देऊ नये असे सुस्पष्ट निर्देश हिंगणघाट बाजार समितीचे सभापती एड सुधीरबाबू कोठारी यांनी कापूस उत्पादक शेतकरी व जिनिंग मालकांना एका पत्र-परिषदेतून दिलेले आहेत.अशा प्रकारचा निर्णय घेणारी महाराष्टातील हिंगणघाट बाजार समिती ही प्रथमच संस्था आहे हे विशेष उल्लेखनिय आहे. आदेशाचे उल्लंघन करणाऱ्या जिनिग संचालकांविरुद्ध कडक कारवाई करण्याचा इशारा सुद्धा त्यांनी दिलेला आहे.
यासंदर्भात अधिक माहिती देतांना एड सुधीर कोठारी यांनी सांगितले की,हिंगणघाट बाजार समिती अंतर्गत साईकृपा ऍग्रो इंडस्ट्रीज, पद्मावती जिनिंग,जलाराम जिनिंग,श्री बालाजी जिनिंग,माँ भवानी जिनिंग,माँ रेणुका जिनिग,या ठिकाणी सीसीआय मार्फत कापूस खरेदी सुरू आहे.या जिनिगचा सीसीआय मार्फत झालेल्या करार नाम्या नुसार शेतकऱ्याच्या वाहनातील कापूस खाली करण्याची जबाबदारी ही जिनिगधारकांची आहे.त्यामूळे शेतकऱ्यांकडून वाहणातील कापूस खाली करण्याची मजुरी ही न घेता जिनिग धारकांनी अदा करावी.शेतकरी बांधवांनी जागरूक राहून या संदर्भात सीसीआय मार्फत कापूस विकला असल्यास ही मजुरी जीनिगधारकांना भरण्यास सांगावा असे आवाहन एड सुधीरबाबू कोठारी यांनी शेतकरी बांधवाना करून हिंगणघाट बाजार समितीचा केंद्रबिंदू हा केवळ शेतकरी हाच असून तो कोणत्याही स्थितीत नागविल्या जाऊ नये म्हणून बाजार समिती किती जागरूक आहे याचा प्रत्यय त्यांनी दिलेला आहे.
यावेळी आयोजित पत्र परिषदेला उपसभापती हरिष वडतकर, संचालक मधूकरराव डंभारे,मधुसूदन हरणे,शेषकुमार येरलेकर, उत्तमराव भोयर,ओमप्रकाश डालिया, विनोद वानखेडे,अशोक उपासे,राजेश मंगेकर,राजेश कोचर,सुरेश सातोकर, बळीरामजी नासर, बापूराव महाजन,सुरेश वैद्य,पंकज कोचर,संजय तपासे,सौ सुरेखाताई सायंकार, सौ माधुरीताई चंदनखेडे,साईकृपा ऍग्रो इंडस्ट्रीज,पद्मावती जिनिग,जलाराम जिनिग,बालाजी जिनिग,माँ भवानी जिनिग,माँ रेणुका जिनिग व जलाराम कॉटेक्स चे संचालक उपस्थित होते.